ირაკლი კობახიძე დიპლომატების წერილს ეხმიანება სასამართლოსა და იუსტიციის საბჭოში დანიშვნების შეჩერებასთან დაკავშირებით და ამბობს, რომ მმართველი ძალა მიიღებს ისეთ გადაწყვეტილებას, როგორიც სისტემის დამოუკიდებლობისთვის იქნება საჭირო.
დიპლომატიურმა კორპუსმა პარლამენტის თავმჯდომარეს ღია წერილი მისწერა. ელჩები უზენაეს სასამართლოსა და იუსტიციის უმაღლეს საბჭოში დანიშვნების შეჩერებას ითხოვენ.
ქართული ოცნების თავმჯდომარის თქმით, დანიშვნების გადადება ძალიან რთულია.
„19 აპრილის შეთანხმება ზედმიწევნით განმარტავს, თუ რა არის გასაკეთებელი სასამართლო სფეროში. მითითებულია, რომ სასამართლო რეფორმა უნდა განხორციელდეს 2022 წლის გაზაფხულის ჩათვლით. ბუნებრივია, როცა საუბარი ეხება დანიშვნებს, ძალიან რთულია, დაელოდო ერთწლიან პერიოდს. ჩვენ გადავხედავთ ყველაფერს, მაგრამ გადაწყვეტილება იქნება მიღებული ისე, როგორც ეს არის საჭირო სასამართლო სისტემის დამოუკიდებლობისა და მისი ეფექტიანი ფუნქციონირებისთვის", - თქვა კობახიძემ.
დიპლომატიური კორპუსის წარმომადგენლემა პარლამენტის თავმჯდომარის, კახა კუჭავას, სახელზე ღია წერილი გაგზავნეს, რომელშიც მმართველ გუნდს კიდევ ერთხელ შეახსენებენ აღებულ ვალდებულებებს და ხაზს უსვამენ, რომ მათ შესრულებაზე იქნება დამოკიდებული საქართველოსთვის ფინანსურ დახმარება.
სრულად წერილს გაეცანით აქ.
დახურვა