logo

ნიკა მელია პარტიის წევრებთან ერთად ამერიკის შეერთებულ შტატებში გაემგზავრა

12 ივნ 202112:14
3 წუთის საკითხავი
clock 591

ნიკა მელია პარტიის წევრებთან ერთად ამერიკის შეერთებულ შტატებში გაემგზავრა.

ნაციონალური მოძრაობის თავმჯდომარე ვაშინგტონში მაღალი რანგის შეხვედრებს გამართავს.

მელიასთან ერთად აშშ-ში გაემგზავრნენ ნონა მამულაშვილი და თინა ბოკუჩავა. 

ნიკა მელიამ გამგზავრებამდე თქვა, რომ ის შეხვედრებს კონგრესში, სენატში, უშიშროების საბჭოსა და სახელმწიფო დეპარტამენტში გამართავს. 

"ამის გარდა, ძალიან ბევრი შეხვედრა იქნება იმ ადამიანთან, თუ ორგანიზაციასთან, რომელიც აქტიურ მონაწილეობას იღებს ამერიკის ეკონომიკური და საგარეო პოლიტიკის ფორმირებაში". - თქვა მან. 

მისივე განცხადებით, მსგავსი ვიზიტი ნაციონალურ მოძრაობას ბოლო წლების განმავლობაში არ ჰქონია. 

"მინდა მათ იცოდნენ ჩვენი, ნაციონალური მოძრაობის ხედვა და გეგმები. რა თქმა უნდა, რაზეც მეტად უნდა ვისაუბრო, ვიდრე საკუთარი პარტიაა, არის ამ ქვეყნის ეკონომიკური მდგომარეობა, უსაფრთხოება, რეგიონში შექმნილი უმძიმესი ვითარება და კიდევ უფრო გაღრმავდეს სახელმწიფოებს შორის ურთიერთობა. დარწმუნებული ვარ, ეს ვიზიტი ამ ყველაფერს ხელს შეუწყობს, როგორც არასოდეს". - თქვა მან. 

ენმ-ის თავმჯდომარემ ასევე განაცხადა, რომ მნიშვნელოვანია, საქართველოს სტრატეგიულმა პარტნიორებმა დიდი ყურადღება დაუთმონ 2021 წლის ოქტომბრის არჩევნებს. 

close დახურვა