დაავადებათა კონტროლის ცენტრის ხელმძღვანელის, ამირან გამყრელიძის ცნობით, საქართველოში დაფიქსირდა "დელტა+"-ის 2 შემთხვევა, რაც ე.წ. ინდური შტამის, "დელტას" ქვეშტამია. იგი ამით გამოეხმაურა მედიაში გავრცელებულ ინფორმაციას, კორონავირუსის "ქართული შტამის" არსებობაზე.
"არავითარი ქართული შტამი არაა. ესაა ჩვეულებრივი "დელტა" და ჰქვია "დელტა+", ესაა ქვეშტამი. მოგეხსენებათ, ეს ვირუსები ხშირ მუტაციას განიცდიან. გაშიფრულია და ჩვენთან "დელტა+"-ის 2 შემთხვევა გვაქვს. დაახლოებით 40-50%-მდე ჩაანაცვლა "ალფა" შტამი "დელტამ", - თქვა გამყრელიძემ.
27 ივლისის მონაცემებით, კორონავირუსის 3666 ახალი შემთხვევა დადასტურდა. ბოლო 24 საათში გარდაიცვალა 17 ადამიანი, გამოჯანმრთელდა 1335 პაციენტი.
ამ დროისთვის, აცრილია 418 398 ადამიანი, მათგან ორჯერადად აცრილია -
142 254, ბოლო 24 საათში კი 13 884 პირი აიცრა.
დახურვა