მალაიზიის ახლადდანიშნულმა პრემიერმინისტრმა ოპოზიციის ლიდერებს შესთავაზა, რომ იყვნენ კორონავირუსის პანდემიასთან ბრძოლის ეროვნული საბჭოს წევრები და შეუერთდნენ სპეციალურ Covid-19 კომიტეტს, რომელიც ვირუსის გავრცელების საწინააღმდეგო გეგმებზე მუშაობს.
ისმაილ საბრი იაკობის თქმით, მას სურს ქვეყანაში სტაბილურობას შეუწყოს ხელი ბოლოდროინდელი დაძაბულობის შემდეგ. იაკობი ბოლო 18 თვეში მალაიზიის მე-3 პრემიერმინისტრია.
„მესმის, რომ პოლიტიკურმა კონფლიქტმა, რომელმაც მოიცვა ქვეყანა, საზოგადოება შეაწუხა. აქედან გამომდინარე, აუცილებელია, რომ პოლიტიკური სტაბილურობა სწრაფად იქნას მიღწეული და ეს მოიცავს პარტიათაშორის თანამშრომლობას", - განაცხადა ისმაილ საბრი იაკობმა.
ახალი პრემიერი მალაიზიის მონარქმა რამდენიმე დღის წინ დაასახელა - ისმაილ საბრი იაკობმა ამ პოსტზე მუიდინ იასინი შეცვალა. მონარქის თქმით, მის გადაწყვეტილებას მალაიზიის საკანონდმებლო ორგანოს 220 წევრიდან 114-მა დაუჭირა მხარი.
დახურვა