logo
ENG

ფოთში უგულავას ბანერი დააზიანეს

13 სექ 202110:18
3 წუთის საკითხავი
clock 248
2021/09/13/vulw578utlhig9k.png

ფოთში ოპოზიციის მერობის საერთო კანდიდატის გიგი უგულავას ბანერი დააზიანეს. ინფორმაციას და ფოტოებს თავად უგულავა ავრცელებს.

"როგორ ადვილად პროგნოზირებადი და პრიმიტიულია ქოცური ტვინი. ცოტა ხნით ადრე ნაბადას მაჟორიტარის ლაშა რუხაიას ბანერი დააზიანეს. გუშინ ღამით ჩემი- ჩამოხიეს. სულაც არაა გასაკვირი. აბა, ოცნების კაგებეშნიკ-"დანოსშიკებმა" მეტი რა უნდა ქნან.

ოცნების კანდიდატ ბატონ ვაჭარაძეს, რომლის სახე-ბანერი ყველა კუთხიდან უთვალთვალებს ფოთელებს, ვთავაზობ გავიაროთ ფოთის ცენტრში, ან სულაც მისი ბანერის ქვეშ დავდგეთ და ვნახოთ ვის იცნობს ხალხი და ვის გამოელაპარაკება. თქვე ბრიყვებო! რად მინდა მე ბანერი. ერთი სალამურიდან გამოთლილი კმაყოფილი სახეები რომ გამოგიჭენებიათ მთელს ქვეყანაში, გგონიათ ამით ხალხი თქვენს შინაარსისგან დაცლილ სახეებს დაიმახსოვრებს. ყველა ერთად რომ გადაგზილოთ ადამიანმა ერთი კაცი არ გამოვა თქვენგან, რადგან თქვენი "სახელი ლეგიონია".

ოფისის წინ სათვალთვალო კამერაა. აბა ვნახოთ, შინაგან საქმეთა სამინისტრო, როგორ ივაჟკაცებთ", - წერს უგულავა.

ფორმულა შინაგან საქმეთა სამინისტროს დაუკავშირდა და დამატებით ინფორმაციას მიღებისთანავე შემოგთავაზებთ.

close დახურვა