მსოფლიოში კორონავირუსით დაღუპულთა საერთო რაოდენობამ 346 ათასს გადააჭარბა. ბოლო 24 საათის განმავლობაში კოვიდ ინფექციით სამი ათასზე მეტი ადამიანია გარდაცვლილი. კოვიდ 19-ით დაინფიცირებულთა რიცხვმა კი თითქმის ხუთ-ნახევარი მილიონი შეადგინა.
მსოფლიოში ყველაზე ცხელ კერად შეერთებული შტატები რჩება, სადაც კორონავირუსით გარდაცვლილთა რიცვხმა 100 ათასს მიაღწია. გასული დღე-ღამის განმავლობაში გარდაცვალების შემთხვევები დაფიქსირდა დასავლეთ ევროპის ქვეყნებშიც, თუმცა კლების ტენდენციით.
შიდა გადაცემის არცერთი ფაქტი აღარ დაფიქსირებულა ჩინეთში. რაც შეეხება მეზობელ რეგიონებს. ბოლო 24 საათის განმავლობაში კოვიდ 19-ით სომხეთში ოთხი, თურქეთში 32, რუსეთში კი 153 ადამიანი გარდაიცვალა.
დახურვა