კალათბურთის ფედერაციის დანიშნული პრეზიდენტი, ვიქტორ სანიკიძე ამბობს, რომ არჩევნებმა მშვიდ გარემოში ჩაიარა.
ის ფედერაციის პრეზიდენტობის ერთადერთი კანდიდატი იყო.
"არჩევნები მიმდინარეობდა მშვიდ გარემოში. ზოგიერთმა თქვენმა კოლეგამ [ჟურნალისტმა] მომილოცა და დიდი მადლობა მოლოცვისთვის. ვაპირებ, რომ კალათბურთი კიდევ უფრო მაღალ საფეხურზე ავიყვანოთ, არის უპრეცედენტო მხარდაჭერა სახელმწიფოს მხრიდან. ჩვენ მაქსიმალურად უნდა გამოვიყენოთ ეს შესაძლებლობა". - თქვა ვიქტორ სანიკიძემ.
ფედერაციის მოქმედმა პრეზიდენტმა, პაატა გურასპაულმა კანდიდატურა მოხსნა და თქვა, რომ მხარს სანიკიძეს დაუჭერდა.
ვიქტორ სანიკიძე ქართული ოცნების წევრი და პარლამენტის დეპუტატიც არის.
დახურვა