![2022/02/16/52gm1o0ysagojyc.png](/uploads_script3/articles/2022/02/16/52gm1o0ysagojyc.png)
პროკურატურა ფოთში ახალშობილის განზრახ მკვლელობის საქმეზე ოფიციალურ განცხადებას ავრცელებს.
უწყების განცხადებით, შსს-ის გამოძიებით დადგინდა, რომ 10 თებერვალს, ფოთში, დ.კ.-მ, განზრახ მოკვლის მიზნით მისი ახალშობილი შვილი გაგუდა, შემდეგ კი საკანალიზაციო მილში მოათავსა.
ჩვილის ცხედარი 14 თებერვალს იპოვეს. იმავე დღეს დააკავეს ბავშვის დედა.
ბრალი მას საქართველოს სისხლის სამართლის კოდექსის 112-ე მუხლით (დედის მიერ ახალშობილის განზრახ მკვლელობა) წარედგინა.
პროკურატურამ ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით ფოთის საქალაქო სასამართლოს უკვე მიმართა.