უკრაინის პრეზიდენტის ადმინისტრაციის მრჩეველი ოლექსეი არესტოვიჩი აცხადებს, რომ 36-ე საზღვაო ბრიგადამ მარიუპოლში ალყა გაარღვია და აზოვის ბრიგადას შეუერთდნენ.
ცნობისთვის, დღეს რუსეთის თავდაცვის სამინისტრომ გაავრცელა ინფორმაცია, რომ მარიუპოლში უკრაინის 36-ე საზღვაო ბრიგადის 1 026 სამხედრო დანებდა, რაც არესტოვიჩმა სოციალურ ქსელში განცხადებით უარყო.
„მარიუპოლში, 36-ე საზღვაო ბრიგადის დანაყოფმა ძალიან სარისკო და კომპლექსური მანევრის შედეგად გაარღვია ალყა და აზოვის ბატალიონს შეუერთდა. 36-ე ბრიგადამ თავიდან აიცილა დამარცხება და მიიღო დამატებითი მნიშვნელოვანი შესაძლებლობები, რეალურად მეორე შანსი მოიპოვა“, - წერს უკრაინის პრეზიდენტის ოფისის მრჩეველი ოლექსეი არესტოვიჩი.
არესტოვიჩის თქმით, შედეგად ქალაქ მარიუპოლის თავდაცვის სისტემა გაიზარდა და გაძლიერდა.
დახურვა