მოსმენების დრო

ტოტალური მოსმენების ქვეყანაში საზოგადოებას ხელისუფლებისგან ახალი სიურპრიზი ელოდება - პარლამენტში ოცნების დეპუტატებმა მოამზადეს კანონპროექტი, რომლის მიხედვითაც, შესაბამისი უწყებების მიერ ფარული საგამოძიებო მოქმედების, მათ შორის, ფარული მოსმენების წარმოების მაქსიმალური ვადა ჯამში 3-დან 9 თვემდე იზრდება. იცვლება მიყურადების შესახებ პირისთვის ინფორმაციის მიწოდების წესიც. სპეციალისტები ამბობენ, რომ ადამიანის უფლებების კუთხით პროექტი მდგომარეობას აუარესებს და ჩნდება ეჭვი, რომ სუს-ს ეს რეგულაციები ე.წ.-ი გადატრიალების საქმეებისთვის და კონტროლის გასაძლიერებლად სჭირდება.