უკრაინის სამხრეთით მდებარე საპორტო ქალაქი ოდესა სარაკეტო თავდასხმის ქვეშაა. სულ მცირე 1 ადამიანი დაიღუპა. ინფორმაციას უკრაინული გამოცემა UNIAN ადგილობრივ ხელისუფლებაზე დაყრდნობით ავრცელებს.
მედიის ინფორმაციით, დაზიანდა მრავალსართულიანი საცხოვრებელი კორპუსი.
შინაგან საქმეთა მინისტრმა ანტონ გერაშენკომ განაცხადა, რომ ოდესაში რუსმა ოკუპანტებმა მინიმუმ 6 ფრთოსანი რაკეტა ისროლეს.
„[რაკეტა] საცხოვრებელ შენობას დაეცა. უკვე დანამდვილებით შეგვიძლია ვთქვათ რომ 1 ადამიანი დაიღუპა. ის ერთ-ერთი სახლის ეზოში საკუთარ მანქანაში დაიწვა“, - აცხადებს გერაშენკო.
ოდესაზე თავდასხმას ადასტურებს უკრაინის საგარეო მინისტრი დმიტრო კულებაც.
ოდესის მერია მოსახლეობას სთხოვს, არ გაავრცელონ ფოტო და ვიდეო მასალა, რადგან ეს რუსულ ძალებს შესაძლოა დაეხმაროს თავდასხმაში.
დახურვა