შვედეთის პრემირმინისტრმა, მაგდალენა ანდერსონმა ვოლოდიმირ ზელენსკისთან ერთობლივ პრესკონფერენციაზე განაცხადა, რომ შვედეთი "NATO-ს ღია კარის პოლიტიკას მხარს დაუჭერს".
"რაც შემიძლია გითხრათ არის ის, რომ როდესაც ჩვენ გავხდებით წევრები, ჩვენ მხარს დავუჭერთ NATO-ს ღია კარის პოლიტიკას". - თქვა ანდერსონმა ზელენსკისთან ერთად.
შვედეთმა და ფინეთმა NATO-ში გაწევრიანების მოლაპარაკებები დაასრულეს. ალიანსის განცხადებაში ნათქვამია, რომ ორივე ქვეყანამ ოფიციალურად დაადასტურა მათი სურვილი და შესაძლებლობა, შეასრულონ NATO-ს წევრობის პოლიტიკური, სამართლებრივი და სამხედრო ვალდებულებები.
ანდერსონმა ასევე თქვა, რომ შვედეთი კვლავ ღიაა რუსეთის წინააღმდეგ შემდგომი სანქციებისთვის.
"რა თქმა უნდა, მინდა მივულოცო შვედეთს და პირადად პრემიერმინისტრს მადრიდში, NATO-ს სამიტის ისტორიული გადაწყვეტილება იმის შესახებ, რომ შვედეთი შეუერთდეს ალიანსს დაჩქარებული პროცედურებით".- განაცხადა ზელენსკიმ პრესკონფერენციაზე.
დახურვა