უკრაინის ქალაქ ვინნიცაზე სარაკეტო თავდასხმის შედეგად დაღუპულთა რიცხვი 21-მე გაიზარდა, კიდევ 115 ადამიანი დაშავდა.
ნაციონალური პოლიციის უფროსის იგორ კლიმენკოს თქმით, დაშავებულებიდან 52 ადამიანის მდგომარეობა კრიტიკულად მძიმეა. დაღუპულთა შორის 3 ბავშვია. ასევე 3 ბავშვია დაშავებულებს შორისაც. 46 ადამიანი დაკარგულად ითვლება.
კლიმენკო ამბობს, რომ თავდასხმის დროს განდგურდა ერთ-ერთი დამედიცინო ცენტრის შენობა. მომხდარზე დაწყებულია გამოძიება ომის კანონების დარღვევისა და განზრახ მკვლელობის მუხლებით.
რუსეთი უკრაინაში 2022 წლის 24 თებერვალს შეიჭრა. რუსულ სამხედრო ძალებს ათასობით მშვიდობიანი მოქალაქის სიცოცხლე ემსხვერპლა. ლტოლვილად და იძულებით გადაადგილებულ პირად 10 მილიონზე მეტი ადამიანი იქცა.
დახურვა