ევროკავშირის კრიტიკული ანგარიში

ქვეყნის დემოკრატიულ საფუძვლებს ძირი ეთხრება - ევროკავშირი უპრეცედენტოდ კრიტიკულ ანგარიშს აქვეყნებს. ექსპერტებისა და ოპოზიციის განცხადებით,  საქარტველო-ევროკავშირის მრავალწლიანი ურთიერთობის მანძილზე, მსგავსი ტექსტი და მსგავსი გზავნილები არასოდეს ყოფილა. უკუსვლა დემოკრატიისა და კანონის უზენაესობის კუთხით, კონტროლირებადი სასამართლო, თვალთვალი და მოსმენები, ანგარიშსწორება მედიაზე, რომლის ორგანიზატორებიდან არავინ დასჯილა, პოლიტიკურად მოტივირებული სასამართლო პროცესები - ესაა მხოლოდ ნაწილი პრობლემებისა, რომლებზეც ევროკავშირი საკუთარ ყოველწლიურ ანგარიშში ამახვილებს ყურადღებას.