უკრაინის პრეზიდენტის ოფისის მრჩეველი, მიხაილო პოდოლიაკი გამორიცხავს რუსეთის ფედერაციასთან მოლაპარაკებას.
"ფანტასტიკურია. კრემლმა პირდაპირ მედვედევის მეშვეობით განაცხადა: ჩვენ გავანადგურებთ უკრაინის ენერგეტიკულ სისტემას და დავატერორებთ მილიონობით ადამიანს, სანამ უკრაინა არ დათანხმდება დანებებას. ფაქტობრივად, ეს არის ტერორიზმის ოფიციალური აღიარება სახელმწიფო დონეზე. რა სახის მოლაპარაკებები შეიძლება განიხილებოდეს აქ? ვისთან ერთად?" - თქვა უკრაინის პრეზიდენტის ოფისის მრჩეველმა.
4 ოქტომბერს, უკრაინამ პუტინთან მოლაპარაკებაზე ოფიციალურად უარი განაცხადა. უკრაინის პრეზიდენტმა, ვოლოდიმირ ზელენსკიმ განკარგულებას ხელი მოაწერა.
ზელენსკიმ 30 სექტემბრის ეროვნული უსაფრთხოებისა და თავდაცვის საბჭოს გადაწყვეტილებას მოაწერა ხელი, რომლის მიხედვითაც უკრაინა, რუსეთის პრეზიდენტთან, ვლადიმერ პუტინთან მოლაპარაკებას ვერ აწარმოებს.
"უკრაინის ქმედებების შესახებ რუსეთის ფედერაციის მიერ ჩვენი სახელმწიფოს ტერიტორიების ანექსიის მცდელობის საპასუხოდ, ევროატლანტიკური უსაფრთხოების უზრუნველსაყოფად, უკრაინის ტერიტორიული მთლიანობის აღსადგენად," - წერია განკარგულებაში.
დახურვა