"ოლიგარქი, რუსული კავშირები, ომი უკრაინაში და საქართველოს მომავალი" - ამ სახელწოდებით ევროპელი კონსერვატორებისა და რეფორმისტების ჯგუფის წევრი, ევროპარლამენტარი ანა ფოტიგა 29 ნოემბერს ბრიუსელში კონფერენციას გამართავს.
ევროპარლამენტარი Twitter-ზე კონფერენციის ბანერს აქვეყნებს, რომელზეც ბიძინა ივანიშვილის ფოტოა დატანილი. ფოტიგა წერს, რომ "საქართველოს მომავალი ტრანსატლანტიკურ ოჯახშია".
"საქართველო კოლექტიურ დასავლეთს ეკუთვნის და ქსელი, რომელიც ცდილობს ქვეყანა რუსკი მირის გავლენის ქვეშ შეინარჩუნოს, უნდა გამოაშკარავდეს. ჩვენ სწორედ უნდა მივუდგეთ ამ პრობლემას და დავრწმუნდეთ, რომ საქართველოს მომავალი ტრანსატლანტიკურ ოჯახშია", - წერს ევროპარლამენტარი.
#Georgia belongs to the Collective West.
The network trying to keep the country under the influence of Russkij Mir has to be exposed and we need to properly address this problem & make sure that Georgia’s future lays within the Transatlantic family.
Join us next week pic.twitter.com/mlhUqjRcsZ
29 ნოემბერს დაგეგმილ ღონისძიებაში მონაწილეობას მიიღებენ: ევროპარლამენტარი ანა ფოტიგა, საქართველოში აშშ-ის ყოფილი ელჩი, იან კელი, ჯორჯ ბუშის ინსტიტუტის გლობალური პოლიტიკის დირექტორი დევიდ კრამერი, პარიზის პოლიტიკურ მეცნიერებათა ინსტიტუტის პროფესორი თორნიკე გორდაძე, უკრაინის რადას წევრი ოლექსი გონჩარენკო და ქართული ლეგიონის ხელმძღვანელი მამუკა მამულაშვილი.
დახურვა