განცხადებები საქართველოში დემოკრატიის უკუსვლაზე

საქართველოში დემოკრატიის უკუსვლასთან დაკავშირებით, შეერთებული შტატების სენატის შემდეგ, განცხადებები ახლა უკვე წარმომადგენელთა პალატაში გაკეთდა. კონგრესის საგარეო ურთიერთობათა კომიტეტში გამართულ სხდომაზე, კანონმდებლებმა და სახელმწიფო დეპარტამენტის წარმომადგენელმა, კავკასიის მიმართ - შეერთებული შტატების პოლიტიკა განიხილეს. ევროპისა და ევრაზიის საკითხებში შეერთებული შტატების სახელმწიფო მდივნის თანაშემწემ, კარენ დონ-ფრიდმა, კიდევ ერთხელ მოუწოდა საქართველოს ხელისუფლებას, განახორციელოს ყველა რეფორმა, რაც საქართველოს ევროკავშირის წევრობის კანდიდატის სტატუსს მოაპოვებინებს.