ლიფტის შახტში ჩავარდნის შედეგად ორი ადამიანი დაიღუპა

რამ გამოიწვია თბილისში უბედური შემთხვევა, რომელსაც ცოლ-ქმრის სიცოცხლე ემსხვერპლა. შინაგან საქმეთა სამინისტრომ ორი ადამიანის გარდაცვალების ფაქტზე გამოძიება უკვე დაიწყო, ძალოვანმა უწყებამ უნდა თქვას - რა გახდა ლიფტის მწყობრიდან გამოსვლის მიზეზი. ისნის მაჟორიტარი აცხადებს, რომ ლიფტის გაუმართაობის გამო ადგილობრივებს გამგეობისთვის არ მიუმართავთ. შემთხვევა შუადღეს მოხდა. თავდაპირველად ლიფტის შახტში კაცი ჩავარდა, მისი მეუღლე  კი დახმარებას ცდილობდა რა დროსაც ლიფტი ამუშავდა და ორივე მათგანი მოიყოლა. ვაზისუბანში ტრაგიკულად დაღუპული ცოლ-ქმრის ცხედრები სამხარაულის ექსპერტიზის ბიუროშია გადასვენებული.