ევროპის წამლების სააგენტომ 12-15 წლის ასაკის მოზარდებში Pfizer-ის კორონავირუსის საწინააღმდეგო ვაქცინის გამოყენება დაამტკიცა. ინფორმაციას თავად ორგანიზაცია ავრცელებს.
ეს ვაქცინა პირველია, რომელიც ხსენებული ასაკობრივი ჯგუფისთვის დაამტკიცეს.
"კვლევებში 2 260 მოზარდი 12-დან 15 წლამდე მონაწილეობდა. მათმა ნაწილმა პლაცებო მიიღო და ამ ჯგუფში კორონავირუსის 18 შემთხვევა გამოვლინდა. ხოლო მათ, ვისაც ვაქცინა გაუკეთეს, კოვიდ-19-ის არც ერთი შემთხვევა არ გამოვლინდა. ეს გახდა იმის დასტური, რომ ვაქცინა 100%-იანი ეფექტურობის არის", - განაცხადეს კომპანიაში.
ევროპის წამლების სააგენტომ დაასკვნა, რომ Pfizer-ის ვაქცინის სარგებელი ამ ასაკობრივ ჯგუფშიც რისკებს აღემატება.
აქამდე, ამ პრეპარატით 16 წელს ზემოთ პირების აცრა იყო დაშვებული. მანამდე, 11 მაისს Pfizer-ის ვაქცინის გამოყენება 12-15 წლის მოზარდებში აშშ-ს საკვებისა და წამლის ადმინისტრაციამ დაუშვა.
დახურვა