Edison Research-ის გამოკითხვის შედეგებით, მოსახლეობის ყველაზე დიდ წილს - 39%-ს მიაჩნია, რომ საქართველოზე ნეგატიური გავლენა ექნება მმართველი გუნდის გადაწყვეტილებას, გასულიყო შარლ მიშელის შეთანხმებიდან. მხოლოდ 15% ამბობს, რომ ამას პოზიტიური გავლენა ექნება.
გარდა ამისა, უმეტესობა (44%), ამბობს, რომ მისი აზრით, შეთანხმების ანულირება ნეგატიურად აისახება ქვეყნის ევრო-ატლანტიკური ინტეგრაციის პროცესზე. საპირისპიროს 29% ამბობს.
ამასთან, უმეტესობა (44%) ფიქრობს, რომ ქართული ოცნების ეს გადაწყვეტილება ზრდის პოლიტიკური პოლარიზაციის დონეს ქვეყანაში.
საზოგადოებრივი აზრის გამოკითხვა ტელეკომპანია ფორმულას დაკვეთით ავტორიტეტულმა საერთაშრისო კვლევითმა კომპანიამ Edison Research-მა ჩაატარა. კვლევის ფარგლებში, პირისპირი გამოკითხვის მეთოდით, ქვეყნის მასშტაბით გამოიკითხა შემთხვევითი შერჩევით შერჩეული საქართველოში მცხოვრები 1500 საარჩევნო უფლების მქონე 18 წლისა და მეტი ასაკის ადამიანი. კვლევა 13 აგვისტო - 5 სექტემბრის პერიოდში ჩატარდა. შედეგების ცდომილება +/- 3%-ია.
დახურვა