რუსეთის პრეზიდენტის, ვლადიმერ პუტინის სპეციალური წარმომადგენელი, კირილ დმიტრიევი, ამ კვირაში დავოსში, მსოფლიო ეკონომიკური ფორუმის ფარგლებში აშშ-ის დელეგაციის წევრებთან შეხვედრებს გამართავს.
ამის შესახებ Reuters ანონიმურ წყაროებზე დაყრდნობით წერს.
უკრაინის დელეგაციის ხელმძღვანელმა, რუსტემ უმეროვმა, გუშინ განაცხადა, რომ აშშ-ის ოფიციალურ პირებთან მოლაპარაკებები რუსეთთან ომის დასრულების თაობაზე ამ კვირაში მსოფლიო ეკონომიკურ ფორუმზე (WEF) გაგრძელდება.
ცნობილია, რომ ტრამპი, დელეგაციასთან ერთად, წლევანდელ ყოველწლიურ შეხვედრას პირადად დაესწრება.
ცნობისთვის, დმიტრიევი აშშ-ში დეკემბერში იმყოფებოდა და ორი დღის განმავლობაში აწარმოებდა მოლაპარაკებებს ტრამპის წარმომადგენლ, სტივ უიტკოფსა და ტრამპის სიძეს, ჯარედ კუშნერთან.
დახურვა