TV პირველის ოპერატორზე თავდასხმის ბრალდებით 21 წლის პირი დააკავეს.
]გამოძიების ინფორმაციით, ბრალდებულმა 5 ივლისს თბილისის პრაიდის საწინააღმდეგო ძალადობრივ კონტრაქციაზე თაბუკაშვილი-ჭანტურიას ქუჩების კვეთაზე TV პირველის ოპერატორს ფიზიკური და სიტყვიერი შეურაცხყოფა მიაყენა. ამავე საქმეზე უკვე დაკავებულია ორი პირი.
შსს-ს განცხადებით, 5 -6 ივლისს გამართული აქციების მიმდინარეობის დროს ჟურნალისტისთვის პროფესიულ საქმიანობაში ძალადობის მუქარით, უკანონოდ ხელის შეშლის, ძალადობითა და ძალადობის მუქარით დევნის, ასევე, ჯგუფური ძალადობის ფაქტებზე სულ დაკავებულია 26 პირი, კერძოდ:
- ჟურნალისტებისთვის პროფესიულ საქმიანობაში ძალადობის მუქარით, უკანონოდ ხელის შეშლის, ჯგუფური ძალადობის და ძალადობის მუქარით დევნის ფაქტებზე დაკავდა 22 პირი;
- თბილისი პრაიდის ოფისის დარბევისთვის, ჯგუფურ ძალადობაში მონაწილეობის, ძალადობით ან ძალადობის მუქარით დევნის, ასევე, ბინის ან სხვა მფლობელობის ხელშეუხებლობის ჯგუფურად დარღვევის ფაქტზე დაკავებულია 3 პირი;
- 1 პირი კი პოლიციამ მოქალაქის მიმართ ჩადენილი ძალადობისთვის დააკავა.
დახურვა