ესპანური კომპანია Inditex, ვის მფლობელობაშიცაა პოპულარული ქსელური ტანსაცმლის მაღაზიები: Zara, Pull & Bear, Massimo Dutti და Bershka, რუსეთში მუშაობას წყვეტს.
ჯამში რუსეთის ტერიტორიაზე კომპანიის 502 მაღაზია დაიხურება.
"ახლანდელ პირობებში, Inditex-ს არ შეუძლია უზრუნველყოს რუსეთის ფედრაციაში მუშაობის გაგრძელება და ვაჭრობის პირობებზე ისაუბროს, ამიტომ კომპანია დროებით წყვეტს საქმიანობას მის 502 მაღაზიასა (მათ შორის 86 Zara-ს მაღაზია) და ონლაინ პლატფორმებზე“ - წერია Inditex-ის ოფიციალურ განცხადებაში.
ოფიციალური განცხადების მიხედვით, Inditex გამომუშავებული ფინანსების 8,5%-ს სწორედ რუსეთიდან იღებდა. თუმცა კომპანია აცხადებს, რომ ამ ეტაპზე ფინანსური მდგომარეობის გათვალისწინებით ინვესტიცია არ უღირს.
შეგახსენებთ, რომ რუსეთში მუშაობის შეწყვეტის შესახებ უკვე განაცხადეს სხვა პოპულარულმა მაღაზიებმა როგორიცაა Marks & Spencer, Mango და H&M.
დახურვა