ადიგენში ხანძარია.
ცეცხლი ტყის ქვედა საფარს უკიდია.
საგანგებო სიტუაციების მართვის სამსახური აცხადებს, რომ ადგილზე ექვსი სახანძრო ჯგუფი მუშაობს და ამ დროისათვის ისევ ხანძრის ქრობის სამუშაოები მიმდინარეობს.
ხანძარი სავარაუდოდ 2 ჰექტრამდე ფართობზეა გავრცელებული.
როგორც ადგილობრივები ამბობენ, სოფლებში კვამლი დაახლოებით 12 საათისთვის შეამჩნიეს.
ტერიტორია, სადაც, ხანძრის კერაა, რთული რელიეფის გამო მიუდგომელია.
მეხანძრეებთან ერთად სამაშველო სამუშაოებში ადგილობრივებიც არიან ჩართულები.
დახურვა