სროლა კლუბ ბასიანთან
გვიან ღამით, კლუბ "ბასიანის" შესასვლელთან ცეცხლასროლი იარაღიდან 1980 წელს დაბადებულმა მამაკაცმა რამდენჯერმე გაისროლა, რის შედეგადაც 3 ადამიანი დაიჭრა. დაშავებულები სასწრაფო სამედიცინო დახმარების ჯგუფმა საავადმყოფოში გადაიყვანა. მათ სიცოცხლეს საფრთხე არ ემუქრება. შინაგან საქმეთა სამინისტროს ინფორმაციით, დაკავებულს, ორი ან მეტი პირის განზრახ მკვლელობის მცდელობა და ცეცხლსასროლი იარაღის მართლსაწინააღმდეგო შეძენა-შენახვა-ტარება ედება ბრალად, რაც 16-დან 20 წლამდე ან უვადო თავისუფლების აღკვეთას ითვალისწინებს.
აქცია ივანიშვილის რეზიდენციასთან
მოძრაობა „შეცვალე“ ბიძინა ივანიშვილის შუშის სასახლესთან აქციას გამართავს. Მოძრაობის წევრები საერთაშორისო საზოგადოებას, ანაკლიის პორტის პროექტის ჩავარდნის შემთხვევაში, ივანიშვილისთვის სანქციების დაწესებისკენ მოუწოდებენ.
ხატია დეკანოიძის პრესკონფერენცია
„ერთიანი ნაციონალური მოძრაობის“ ოფისში ხატია დეკანოიძე სტრასბურგის სასამართლოს მიერ მაჩალიკაშვილის საქმის განხილვის შესახებ პრესკონფერენციას გამართავს. მაჩალიკაშვილების ოჯახის სარჩელი ადამიანის უფლებათა ევროპულ სასამართლოს 2019 წლის 6 ივნისს წარედგინა, 8 იანვარს კი საქმეზე „მაჩალიკაშვილები და სხვები საქართველოს წინააღმდეგ“, ე.წ. სადავო პროცედურების განხილვა დაიწყო.
თეირანში ბრიტანეთის ელჩი დააკავეს
თეირანში, ამირ ქაბირის უნივერსიტეტთან გამართულ აქციაზე დიდი ბრიტანეთის დესპანი რობ მაკაირი დააკავეს. გავრცელებული ინფორმაციით, მაკაირი „ანტისამთავრობო პროტესტი მონაწილეების წახალისებისთვის“ რამდენიმე საათით დააკავეს.
ინფორმაციას ბრიტანეთის საგარეო სამინისტორც ადასტურებს. მას შემდეგ, რაც ირანმა უკრაინული თვითმფრინავის შეცდომით ჩამოგდება აღიარა, ქვეყანაში ანტისამთავრობო აქცია გაიმართა. მომიტინგეებმა ანტისამთავრობო სლოგანები გააჟღერეს და ყასემ სოლეიმანის სურათები დახიეს.
ტოჩინოშინი ჰაცუ ბაშოს იწყებს
12 იანვარს ჰაცუ ბაშო იწყება და ტრავმის შემდეგ, ტოჩინოშინი ბაშოზე პირველად გამოვა. პირველ დღეს მისი მეტოქე მეშვიდე მაეგაშირა შოჰოზანი იქნება. რაც შეეხება ტურნირის მეორე დღეს, ტოჩინოშინის მეტოზე მეტოქე მეშვიდე მაეგაშირა, 23 წლის ონოშო იქნება. ტოჩინოშინი ნოემბერში კიუშო ბაშოს ტრავმის გამო გამოეთიშა, რის გამოც ოძეკის ტიტულის დაბრუნების შანსი დაკარგა.
დახურვა