ხელისუფლების ანტიდასავლური კამპანიის პარალელურად, ევროკავშირის წინააღმდეგ სოციალურ ქსელებში თითქოსდა გასართობი გვერდებიდან აქტიურობენ. დეზინფორმაციის გასავრცელებლად იხარჯება ფული. ვინ იხდის თანხას უცნობია, რადგან გვერდებს საქმიანობის სფეროდ პოლიტიკა არ აქვს მითითებული. იუმორით შეფარული დეზინფორმაციის გავრცელება ანალიტიკოსებს 2016 წელს და ამერიკის არჩევნებს ახსენებს. მაშინ, შედეგზე გავლენის მოსახდენად ასე იქცეოდნენ რუსი ტროლებიც.