ასპინძის მუნიციპალიტეტის სოფელ ტოლოშთან ავტოსაგზაო შემთხვევას 2 ადამიანის სიცოცხლე ემსხვერპლა.
მსუბუქი ავტომობილი ხევში გადავარდა, რის შედეგადაც 1 ადამიანი ადგილზე დაიღუპა, ხოლო მეორე, საავადმყოფოში მიყვანის შემდეგ.
ავარიის გამომწვევი მიზეზი ამ დროისთვის უცნობია.
როგორც „ფორმულას“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით მიმდინარეობს (ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც ორი ან მეტი ადამიანის სიცოცხლის მოსპობა გამოიწვია).
დახურვა