აშშ-ის 6 შტატს ტორნადომ გადაუარა. სტიქიას, სულ მცირე, 80 ადამიანი ემსხვერპლა.
სტიქია იყო არკანზასის, ილინიოსის, კენტუკის, მისისიპის, მისურისა და ტენესის შტატებში.
CNN-ს მეტეოროლოგების თქმით, ტორნადოების რიცხვი 30-ზე მეტი იყო.
კენტუკის გუბერნატორმა თქვა, რომ მხოლოდ ამ შტატში, კენტუკის ისტორიაში ერთ-ერთ უმძიმეს ღამეს 70-ზე მეტი ადამიანი დაიღუპა.
ტორნადომ დაანგრია სანთლის ქარხანა კენტუკის შტატში, კომპანია Amazon-ის საწყობი დასავლეთ ილინიოსში და მოხუცთა თავშესაფარი არკანზასში.
კენტუკიში საგანგებო მდგომარეობაა გამოცხადებული.
სტიქიას პრეზიდენტმა ჯო ბაიდენმა "წარმოუდგენელი ტრაგედია" უწოდა. მისივე თქმით, გეგმავს, თავად ჩავიდეს იქ, სადაც სტიქია მოხდა.
დახურვა