აშშ-ის სახელმწიფო დეპარტამენტმა უკრაინის მთავრობისთვის Patriot-ის საჰაერო თავდაცვის სისტემის დამხმარე საშუალებების მიყიდვა დაამტკიცა.
სახელმწიფო დეპარტამენტის განცხადებაში ნათქვამია, რომ პაკეტის ღირებულება დაახლოებით 105 მილიონი დოლარია.
„უკრაინის მთავრობამ მოითხოვა PATRIOT-ის საჰაერო თავდაცვის სისტემისთვის მდგრადობასთან დაკავშირებული აღჭურვილობისა და მომსახურების შეძენა, მათ შორის M901 გამშვები მოწყობილობების M903 კონფიგურაციამდე განახლება; სხვა საჭირო მომსახურება, დამხმარე საშუალებები, სათადარიგო ნაწილები, მხარდაჭერა, წვრთნა და აღჭურვილობა; ლოჯისტიკისა და პროგრამული მხარდაჭერის სხვა დაკავშირებული ელემენტები. სავარაუდო საერთო ღირებულება 105 მილიონი აშშ დოლარია“ – ნათქვამია სახელმწიფო დეპარტამენტის განცხადებაში.
უწყებაში განმარტავენ, რომ შეთავაზებული გაყიდვა გააუმჯობესებს უკრაინის უნარს, გაუმკლავდეს მიმდინარე და მომავალ საფრთხეებს. მათივე ცნობით, უკრაინას არ გაუჭირდება ამ აღჭურვილობისა და მომსახურების თავის შეიარაღებულ ძალებში ინტეგრირება.
დახურვა