აშშ-ის პრეზიდენტმა დონალდ ტრამპმა განაცხადა, რომ ირანში ჩამოგდებული ამერიკული სამხედრო თვითმფრინავის დაკარგული ეკიპაჟის წევრი წარმატებით გადაარჩინეს.
მისი თქმით, ოპერაცია „აშშ-ის ისტორიაში ერთ-ერთი ყველაზე გაბედული სამძებრო-სამაშველო მისია“ იყო. გადარჩენილი სამხედრო, რომელიც რამდენიმე დღის განმავლობაში ირანის ტერიტორიაზე იმალებოდა, დაშავებულია.
შემთხვევა მას შემდეგ მოხდა, რაც ირანმა პარასკევს ამერიკული F-15E ტიპის გამანადგურებელი ჩამოაგდო. თვითმფრინავში ორი წევრი იმყოფებოდა. ერთ-ერთი მათგანი მალევე გადაარჩინეს.
სამაშველო ოპერაცია რამდენიმე დღე გაგრძელდა და მასში მონაწილეობდნენ სპეციალური დანიშნულების ძალები, ავიაცია და სადაზვერვო რესურსები. ცნობების მიხედვით, ოპერაცია ირანის ტერიტორიაზე, რთულ რელიეფში და მტრულ გარემოში ჩატარდა.
მედიის ინფორმაციით, ირანის ძალებიც აქტიურად ცდილობდნენ დაკარგული ამერიკელი სამხედროის პოვნას, რაც ოპერაციას კიდევ უფრო ართულებდა. საბოლოოდ, ორივე ეკიპაჟის წევრი უსაფრთხოდ იქნა გამოყვანილი.
დახურვა