ამერიკის შეერთებული შტატები ჩინეთს სანქციებით ემუქრება. შეზღუდვები იმ შემთხვევაში ამოქმედდება, თუკი ჩინეთი ჰონგ-კონგის ეროვნული უსაფრთხოების შესახებ კანონს მიიღებს. მაიკ პომპეოს მრჩეველის თქმით, კანონის მიღება ჰონგ-კონგის ავტონომიას უქმნის საფრთხეს.
თავად შეერთებული შტატების სახელმწიფო მდივანი აცხადებს, რომ ჩინეთის ხელისუფლების ნებისმიერი გადაწყვეტილება, რომელიც ჰონგ-კონგის ავტონომიასა და თავისუფლებას კითხვის ნიშნის ქვეშ აყენებს, ქვეყნებს შორის ურთიერთობის გადახედვის მიზეზი გახდება. კანონპროექტი ჰონგ-კონგში მასობრივი გამოსვლების მიზეზიც გახდა.
მიუხედავად იმისა, რომ პანდემიის გამო 8 ადამიანზე მეტის შეკრება ჯერ კიდევ აკრძალულია, ქუჩებში ათასობით ადამიანი გამოვიდა. პოლიციამ მათ დასაშლელად ცრემლსადენი გაზი გამოიყენა. დაკავებულია რამდენიმე დემონსტრანტი.
დახურვა