შინაგან საქმეთა სამინისტრომ ბოლო 24 საათის განმავლობაში, ქვეყნის მასშტაბით, საგანგებო მდგომარეობის რეჟიმის დარღვევის 131 ფაქტი გამოავლინა.
როგორც უწყების განცხადებაშია აღნიშნული, პოლიციამ საჯარო სივრცეში 10-ზე მეტი პირის შეკრების გამო 104 მოქალაქე დააჯარიმა, ეკონომიკურ საქმიანობასთან დაკავშირებული შეზღუდვების დარღვევის ფაქტზე 13 ფიზიკური და 6 იურიდიული პირი, თვითიზოლაციის წესების დარღვევისთვის კი, 3. ასევე პოლიციამ დააჯარიმა 5 პირი, რომლებიც აკრძალვის მიუხედავად მიკროავტობუსით საქალაქთაშორისო მგზავრების გადაყვანას ახორციელებდნენ.
შსს მოქალაქეებს კიდევ ერთხელ მოუწოდებს, დაიცვან საგანგებო მდგომარეობით დაწესებული შეზღუდვები და აფრთხილებს, რომ წინააღმდეგ შემთხვევაში, გამოყენებული იქნება კანონით გათვალისწინებული ზომები.
„საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ლარით. განმეორებით საგანგებო მდგომარეობის რეჟიმის დარღვევა წარმოადგენს სისხლის სამართლის დანაშაულს და ითვალისწინებს 3 წლამდე ვადით თავისუფლების აღკვეთას“, - აცხადებენ უწყებაში.
დახურვა