![ბორჯომში სამარშრუტო ტაქსი გადაბრუნდა - დაშავდა 7 ადამიანი](/uploads/news/787c94a2565ad98c3327d04bdb262182.jpg)
ბორჯომის მუნიციპალიტეტის სოფელ ქვაბისხევთან ახალციხე-თბილისის სამარშრუტო ტაქსი გზის სავალი ნაწილიდან გადავიდა და გადაბრუნდა. ინფორმაციას ტელეკომპანია ბორჯომი ავრცელებს.
მათი ცნობით, შემთხვევის შედეგად 7 ადამიანი დაშავდა. ტრანსპორტში 14 მგზავრი იმყოფებოდა.
მომხდარზე გამოძიება სისხლის სამართლის კოდექსის 276-ე მუხლის მე-2 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.