ბორჯღალოსნები ბელგიასთან მატჩისთვის ემზადებიან

საქართველოს მორაგბეთა ეროვნული ნაკრები 22 თებერვალს „რაგბი ევროპის" მესამე ტურის მატჩს გამართავს. ბორჯღალოსნები ბელგიას უმასპინძლებენ. მატჩი ქუთაისში, „აია არენაზე", 15 საათზე დაიწყება.

ლევან მაისაშვილის გუნდი აღნიშნული შეხვედრისთვის ორშაბათიდან „შევარდენის" სანაკრებო ბაზაზე 29-კაციანი შემადგენლობით ემზადება. ბელგიის ნაკრებმა განვლილი ტურის შეხვედრაში რუსეთი ანგარიშით 38:12 დაამარცხა, საქართველომ კი ესპანეთს ანგარიშით 23:10 მოუგო.