ბრალდება პოლიტიკურ დევნასა და ძალადობაში

ახალქალაქის პოლიციის უფროსის წინააღმდეგ ბრალდებები სულ უფრო მძიმდება. საკნიდან გამოსული ოპოზიციონერი ამბობს, რომ მაღალჩინოსნის პირადი ტყვე იყო და მასზე დაკავებისას იძალადეს. აქვს კვალი. ზეწოლა, სექსუალური ძალადობის მუქარა და გაუპატიურების მცდელობა, - ამ ბრალდებებით და გამოძიების მოთხოვნით, არტურ მკოიანის ცოლმა პროკურატურას მიმართა. უცნობია, დაკითხავენ თუ არა შალვა ლომსაძეს, - დადანაშაულებული სამართალდამცველი ისევ ინარჩუნებს პოსტს პოლიციაში.