დიდი ბრიტანეთის ევროპული სამეზობლოსა და ამერიკის საკითხებში სახელმწიფო მინისტრმა, ვენდი მორტონმა Twitter-ის ოფიციალურ გვერდზე საქართველოსთვის £2 მილიონის გამოყოფის შესახებ დაწერა. მისი თქმით, ეს თანხა რუსეთის მხრიდან წლების განმავლობაში მომდინარე კონფლიქტის დასრულებას მოხმარდება.
"ჩვენ მტკიცედ ვუჭერთ მხარს საქართველოს სუვერენიტეტსა და ტერიტორიულ მთლიანობას. ხაზს ვუსვამთ მიუღებელ, განგრძობად რუსულ აგრესიას. სწორედ ამიტომ, ჩვენ გამოვყოფთ £2 მილიონს, რათა მხარი დავუჭიროთ საქართველოს, წლების განმავლობაში მიმდინარე კონფლიქტის დასრულებაში", - წერს ვენდი მორტონი.
ბრიტანელ მინისტრს ტვიტერზე გამოეხმაურა საქართველოს საგარეო საქმეთა მინისტრი დავით ზალკალიანი. მან მადლობა გადაუხადა ვენდი მორტონს რუსული ოკუპაციის დაგმობისთვის.
"უაღრესად ვაფასებ გაერთიანებული სამეფოს პოზიციას: მისი მხარდაჭერა საქართველოს სუვერენიტეტისა და ტერიტორიული მთლიანობის მიმართ ურყევია" - წერს ზალკალიანი.
Highly appreciate the stance of the UK remaining unwavering in its support of Georgia's territorial integrity & allocation of £2m in financial aid to Georgia to end years of occupation. Thank you to @morton_wendy for condemning Russia's ongoing occupation of Georgian territories https://t.co/sWDvQBVTCU
— David Zalkaliani (@DZalkaliani) September 9, 2020
დახურვა