ტელეკომპანია „ფორმულასა“ და ამერიკული კვლევითი ორგანიზაცია „ედისონ რისერჩის“ პირველი კვლევის შედეგების თანახმად, მოსახლეობის 39%-სთვის ყველაზე მნიშვნელოვანია პარტიის პროგრამა. 28% ამბობს, რომ მოსწონს პოლიტიკური ლიდერი, 22% უპირატესობას ანიჭებს პარტიის იდეოლოგიას, 9% ირჩევს პარტიის საგარეო კურსს და 2% სხვა მიზეზს ასახელებს.
მეთოდოლოგია
„ედისონ რისერჩმა“ კვლევა 12 ნოემბრიდან 23 ნოემბრის ჩათვლით აწარმოა. კვლევაში მონაწილეობა მიიღო აფხაზეთისა და სამხრეთ ოსეთის რეგიონის მოსახლეობის გარდა საქართველოს ყველა რეგიონში მცხოვრებმა 2000-მა ადამიანმა. არჩევნებში მონაწილეობის მიღების უფლების მქონე რესპონდენტები შემთხვევითი შერჩევის პრინციპით იქნენ არჩეულნი. შესაძლო ცდომილება 2.2%-ია, 95%-იანი სანდოობის დონისთვის.
დახურვა