ოპოზიციის წარმომადგენლები პარლამენტის პიკეტირებას ხვალ გეგმავენ. 19 დეკემბერს საკანონმდებლო ორგანოში საშემოდგომო სესიის ბოლო სხდომა უნდა გაიმართოს. ხვალვე დეპუტატები მინისტრის საათის ფორმატში ჯანდაცვის, ეკონომიკისა და განათლების მინისტრებსაც მოუსმენენ. სწორედ ამიტომ ოპოზიცია პარლამენტის პიკეტირებას შეეცდება. მიმდინარე კვირას გაერთიანებული ოპოზიცია პროტესტს ბათუმში დაასრულებს, სადაც აქციას გამართავს.
"ეს კვირა ოპოზიციისთვის დატვირთული იქნება. გუშინ შევთანხმდით, რომ მოხდება პიკეტირება და პარასკევს გაიმართება მოლაპარაკებები საერთაშორისო ორგანიზაციების მედიაციით, რათა "ქართულმა ოცნებამ" დათმოს პროპორციული არჩევნები. ასევე გვექნება აქციები რეგიონში, მათ შორის პირველი აქცია გაიმართება ბათუმში. ივანიშვილმა თითოეული მოქალაქის ხმა უნდა გაიგოს",-აცხადებს თინა ბოკუჩავა.
დახურვა