საქართველოს პრემიერ-მინისტრის თქმით მთავრობას უკვე აქვს შეზღუდვების გახსნისა და შემსუბუქების გეგმა, თუმცა გარკვეული მათგანი დიდი ხნით ძალაში დარჩება.
"გარკვეული შეზღუდვები წლების განმავლობაში დარჩება. ეს წესები გლობალურია",-აცხადებს გიორგი გახარია.
ის წესები რაც წლების განმავლობაში უცვლელი დარჩება, შემდეგია:
- სოციალური დისტანცირება, როგორც ჩანს დიდი ხნის განმავლობაში აუცილებელი იქნება. ესაა ყველაზე დიდი გამოწვევა;
- საზოგაოდების თავშეყრის ადგილებში პირბადეების ტარება. როგოროც ჩანს ეს გახდება ჩვენი ყოველდღიურობა;
- იურიდიული პირების მიერ ჯადანცვის სამინისტროს რეკომენდაციების დაცვა. ყველა მეწარმემ და კომპანიამ უნდა გაითვალისწინოს, რომ საქმიანობის გაგრძელება შეუძლებელი იქნება ჩვენი ეპიდომიოლოგების რჩევის გარეშე. მაქსიმალურად უნდა იყოს შემუშვებული დისტანციური მუშაობის ფორმებიც - აცხადებს გიორგი გახარია.
მისივე თქმით, შეზღუდვები შესაძლოა დღეს მოიხსნას, მაგრამ ხვალ კვლავ ამოქმედდეს. ეტაპებს შორის შუალედი კი იქნება ორი კვირა. შეზღუდვების პირველი ეტაპი აჩვენებს შედეგებს.