გორისა და ატენის მიტროპოლიტმა ანდრია გვაზავამ რუსეთის სვიატო-ტიხონოვსკის მართლმადიდებლურ ჰუმანიტარულ უნივერსიტეტში დისერტაცია დაიცვა. შესაბამის ინფორმაციას თავად უნივერსიტეტი აქვეყნებს.
დისერტაციის თემა იყო "ვაჰანის ქვაბები - ადგილი და მნიშვნელობა ძველქართულ სამონასტრო ტრადიციაში".
რუსეთის უნივერსიტეტის საბჭოს წევრებმა ერთხმად დაუჭირეს მხარი მიტროპოლიტისთვის სამეცნიერო ხარისხის - ღვთისმეტყველების კანდიდატის მინიჭებას. გარდა ამისა, გამოქვეყნებული დოკუმენტის თანახმად, მათ იმედი გამოთქვეს, რომ მისი ნამუშევარი მალე ქართულ ენაზეც ითარგმნება.
რაც შეეხება ნაშრომის სამეცნიერო ხელმძღვანელებს, ისინი იყვნენ: ზოგადი და რუსული ეკლესიის ისტორიისა და კანონიკური სამართლის განყოფილების ხელმძღვანელი, პროფესორი მღვდელი ალექსანდრე შჩელკაჩოვი და თეოლოგიის განყოფილების ხელმძღვანელი, ასოცირებული პროფესორი პეტრ იურიევიჩ მალკოვი.
დოკუმენტი 14 ივლისით თარიღდება.
დახურვა