გრინსერვის+-მა, რომლის დირექტორი ვაკის პარკის საქმეზე დააკავეს, მერიის ტენდერი მოიგო

კომპანია გრინსერვის+-მა, რომლის დირექტორი და თანამშრომლები ვაკის პარკის ტრაგედიის საქმეზე არიან დაკავებული, თბილისის მერიის ტენდერი მოიგო.

ამჟამად კომპანიასთან ხელშეკრულების მომზადება მიმდინარეობს.

მერიამ 3,5-მილიონიანი ტენდერი გამოაცხადა, კომპანიამ კი 3,1 მილიიონი ლარი შესთავაზა.

გრინსერვის + ტენდერში ერთადერთი მონაწილე იყო.

დოკუმენტების თანახმად, გრინსერვის+ თბილისის მასშტაბით კეთილმოწყობისა და დაზიანებული ინფრასტრუქტურული ობიექტების აღდგენის სამუშაოებს ჩაატარებს. 

***

12 ოქტომბერს ვაკის პარკში არსებული მცირე კასკადისა და მრგვალი შადრევნის რეაბილიტაცია დასრულდა.

13 ოქტომბერს ვაკის პარკის ბურთის ამოსაღებად შადრევანში ჩასულ 3 ბავშვს დენმა დაარტყა.  ერთ-ერთი მოზარდი კლინიკაში გადაყვანის შემდეგ გარდაიცვალა.

19 ოქტომბერს ვაკის პარკში მომხდართან დაკავშირებით 9 პირი დააკავეს. დაკავებულთა შორის არიან გრინსერვისპლუსის დირექტორი ლაშა ფურცხვანიძე და თბილისის მერიის გარემოს დაცვის საქალაქო სამსახურის უფროსის მოადგილე.

რა წარსული აქვს კომპანია გრინსერვის+-ს.