ძლიერმა წვიმამ ფოთში ისევ პრობლემები შექმნა. დაიტბორა 4 ქუჩა.
წყალმა საცხოვრებელი სახლების პირველ სართულებზეც შეაღწია. დაზიანდა ავეჯი და საყოფაცხოვრებო ტექნიკა. ადგილობრივები ამბობენ, რომ ყოველი ძლიერი წვიმის დროს მსგავსი პრობლემის წინაშე დგებიან და დახმარებას ითხოვენ.
ფოთის მერიაში აცხადებენ, რომ შექმნილია სპეციალური კომისია, რომელიც ზარალს დაითვლის.