საქართველოში აშშ-ის ელჩი კელი დეგნანი ამბობს, რომ "ნათელი და მკაფიოა, რა მხარეს იჭერს ქართველი ხალხი" რუსეთის მიერ უკრაინის წინააღმდეგ წარმოებულ ომში.
დეგნანის თქმით, ქართველი ხალხის პოზიცია და ერთგულება უკრაინელების მიმართ კარგად ჩანს იმ დახმარებით, რასაც ისინი უკრაინელებს უწევენ.
"ნათელია და მკაფიოა, რა მხარეს იჭერს ქართველი ხალხი, ისინი არიან სოლიდარული უკრაინელების მიმართ, იმიტომ რომ ეს ქვეყანა იცავს თავის სუვერენიტეტს, ერთიანობას, არსებობას და საკუთარ იდენტობას, როგორც ერისა და ქართველმა ხალხმა ძალიან კარგად იცის, გამოცდილი აქვს ეს ყველაფერი, რუსეთის აგრესია, თუ როგორ ცდილობდა რუსეთი საქართველოს ტერიტორიის სუვერენიტეტის, მთლიანობის წართმევას და ქართველი ხალხის პოზიცია და ერთგულება უკრაინელების მიმართ კარგად ჩანს იმ გულუხვი დახმარებით, რასაც ისინი უკრაინელებს უწევენ", - თქვა დეგნანმა.
ელჩის თქმით, ქართველებს კარგად ესმით უკრაინის მდგომარეობა, რადგან ეს საკუთარ თავზე აქვთ გამოცდილი და ქვეყნის 20% ჯერ კიდევ ოკუპირებულია.
"ქართველებს ძალიან კარგად ესმით ის მდგომარეობა, რაც უკრაინაშია, თავადაც აქვთ ეს საკუთარ თავზე გამოცდილი, ჯერ კიდევ ქვეყნის 20% ოკუპირებულია რუსეთის მიერ, ძალიან ხშირია ქართველი მოსახლეობის შევიწროება, გატაცებები და ჩვენ გვესმის თითოეული ქართველის, ვისაც სურს გარკვეული წვლილი შეიტანოს იქნება ეს ჰუმანიტარული დახმარება თუ სხვა", - თქვა დეგნანმა.
დახურვა