ფოთში მოსახლეობა დახმარებას ითხოვს და მთავრობას წინასაარჩევნო დაპირებას ახსენებს. პორტის მიმდებარედ მცხოვრები ასამდე ოჯახი ჰაერის საგანგაშო დაბინძურებაზე საუბრობს და ეკოლოგიური კატასტროფისგან გადასარჩენად გასახლებას ელოდება. ამ მოთხოვნით აქციაც გაიმართა, დასახელდა პირობის შესრულების ვადა, რომელიც ხვალ იწურება, თუ ხელისუფლებას სათანადო რეაგირება არ ექნება, დაიწყება უწყვეტი პროტესტი.