შინაგან საქმეთა სამინისტროს თანამშრომლებმა დუშეთში განზრახ მკვლელობის ბრალდებით ერთი პირი დააკავეს. უწყების მიერ გავრცელებულ განცხადებაში ნათქვამია, რომ 2020 წლის 6 ოქტომბერს, ბრალდებულმა დუშეთის რაიონის სოფელ პავლეურში, 59 წლის კაცს, სავარაუდოდ ბლაგვი საგნით, თავის არეში დაზიანებები მიაყენა, რის შედეგადაც ის გარდაიცვალა.
მომხდარზე გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
დანაშაულის დამტკიცების შემთხვევაში დაკავებულს 7-დან 15 წლამდე ვადით თავისუფლების აღკვეთა ემუქრება.