თბილისის სატრანსპორტო კომპანიის ინფორმაციით, დღეს სასაფლაოების მიმართულებით თბილისში დამატებითი მარშრუტები დაინიშნა, რომელიც საღამოს 8 საათამდე მგზავრებს უფასოდ მოემსახურება.
ავტობუსები ივლის მეტროსადგურ დიდუბიდან მუხათგვერდისა და ვაშლიჯვრის სასაფლაოების მიმართულებით, ასევე დელისის მეტროდან საბურთალოს სასაფლაოსკენ, მარჯანიშვილის მეტროდან და სადგურის მოედნიდან კუკიის სასაფლაოს მიმართულებით. ჭიჭინაძის ქუჩიდან ვერის სასაფლაოსკენ, სარაჯიშვილის მეტროდან თბილისის ზღვის სასაფლაომდე, ხოლო შუამთის ქუჩიდან და ვარკეთილის მეტროდან ვარკეთილის სასაფლაომდე.
16 და 17 აპრილს, სასაფლაოების მიმართულებით 9 მარშრუტი დაწესდა, რომლებიც მოსახლეობას დილის 8 საათიდან საღამოს 8 საათამდე ემსახურება.
დახურვა