საქართველოს პარლამენტმა „ელექტრონული კომუნიკაციების შესახებ“ კანონში ცვლილებები პირველი მოსმენით მიიღო. ცვლილებებს მხარი 81-მა დეპუტატმა დაუჭირა.
კანონპროექტი დაჩქარებულად განიხილება და მის საბოლოოდ დასამტკიცებლად კიდევ ორი მოსმენაა საჭირო.
ცვლილებებს ოპოზიცია, არასამთავრობო სექტორი და ბიზნესის წარმომადგენლები მკაცრად აკრიტიკებენ. მათი თქმით, სასამართლოს ნებართვის გარეშე ორგანიზაციებში სპეციალური მმართველების დანიშვნა მიზანშეწონილი არაა.
შეგახსენებთ, რომ „ელექტრონული კომუნიკაციების შესახებ“ კანონში ცვლილებების თანახმად, კომუნიკაციების მარეგულირებელ კომისიას ექნება უფლება, ორგანიზაციებში ორი წლის ვადით დანიშნოს სპეციალური მმართველები, რომლებიც ფართო უფლებამოსილებით იქნებიან აღჭურვილნი - მათ შორის, მათ შეუძლიათ დირექტორებისა და სამეთვალყურეო საბჭოს წევრების გათავისუფლება.
დახურვა