საქართველოს ეროვნული ბანკი განცხადებას ავრცელებს. დღევანდელი მონაცემებით, ინფიცირებულთა რაოდენობა ეროვნულ ბანკში 16-ია.
ქვეყნის მთავარი საფინანსო უწყების ინფორმაციით, გასულ კვირას ეროვნული ბანკის 7 თანამშრომელს კოვიდ-19-ით ინფიცირება დაუდასტურდა, დაუყოვნებლივ მოხდა აღნიშნულ პირებთან კონტაქტში მყოფი სხვა თანამშრომლების სიმპტომების კვლევა და ტესტირება.
ამჟამად კოვიდ-19 ვირუსის მქონე თანამშრომელი შესაბამის სტაციონარში ექიმების მეთვალყურეობის ქვეშ გადის მკურნალობას. ეროვნული ბანკის განცხადებით, მათი მდგომარეობა ამ ეტაპზე დამაკმაყოფილებელია.
„ამჟამად თანამშრომელთა 90% დისტანციურად მუშაობს. ეროვნული ბანკის ყველა შენობაში რეგულარული სადეზინფექციო და დასუფთავების სამუშაოები მიმდინარეობს და ბანკის ოფისები ოპერირების საგანგებო რეჟიმზეა გადასული. მიუხედავად ამისა, ეროვნული ბანკი სრულყოფილად და შეუფერხებლად ასრულებს თავის ამოცანებს: ბანკებს მიეწოდებათ სათანადო რაოდენობის ფულის ნიშნები, საფინანსო სექტორი აგრძელებს გამართულ ფუნქციონირებას", - ვკითხულობთ განცხადებაში.
შეგახსენებთ, რომ რამდენიმე დღის წინ ეროვნული ბანკის 7 თანამშრომელს კორონავირუსი დაუდასტურდა. სწორედ ამ თანამშრომლებს უკავშირდება ე.წ. რუსთავის კლასტერის წარმოქმნა.
დახურვა