ესპანეთის თავდაცვის მინისტრის, მარგარიტა რობლესის ცნობით, ესპანეთიდან Leopard 2-ის 6 ტანკი უკრაინაში გაიგზავნა. ტანკები ესპანეთის საპორტო ქალაქი სანტანდერიდან გაიგზავნა.
რობლესის თქმით, ტანკებმა სანტანდერი "20 მძიმე ტრანსპორტის თანხლებით დატოვეს" და ისინი უკრაინაში 5-6 დღეში ჩავა.
მინისტრის ცნობით, უკრაინას ესპანეთი მათი შეკეთების შემდეგ დამატებით 4 ტანკს გადასცემს.
გამოცემა Reuters-ის ცნობით, 55-მა უკრაინელმა სამხედრომ ესპანეთში ტანკების მართვასა და მექანიკაში წვრთნები გაიარა.
მომავალ თვეებში Leopard 2 ტანკებს უკრაინას აშშ, პოლონეთი, ფინეთი და დიდი ბრიტანეთიც გაუგზავნიან.
2023 წლის იანვარში საერთაშორისო წნეხის ფონზე გერმანია მის მიერ წარმოებული Leopard 2 ტანკების უკრაინისთვის გადაცემას დათანხმდა.
დახურვა