ყოფილმა პრემიერმინისტრმა, გიორგი გახარიამ პარტია საქართველოსთვის და თავისი გუნდი წარადგინა. აღსანიშნავია, რომ გახარიას პარტიის პოლისტაბჭოში ქართული ოცნების ყოფილი წევრები და სახელმწიფო მოხელეები არიან:
- გიორგი ხოჯევანიშვილი - საერთაშორისო სამართლის მაგისტრი, იყო შიდა-ქართლის გუბერნატორი. მე-10 მოწვევის პარლამენტის წევრი.
- ნათია მეზვრიშვილი - იურისტი. იკავებდა შს მინისტრის მოადგილის, ასევე მთავრობის ადმინისტრაციის უფროსის თანამდებობას.
- გიორგი შარაშიძე - ჟურნალ ანტერპრენერის რედაქტორი.
- კახაბერ ქემოკლიძე - ყოფილი საჯარო მოხელე. იკავებდა მთავრობის ადმინისტრაციის უფროსის თანამდებობას.
- ანა ბუჩუკური - სამართალმცოდნე. მე-10 მოწვევის პარლამენტის წევრი.
- მიხეილ დაუშვილი - კორპორატიული სამართლის სპეციალისტი. იკავებდა ბიზნესომბუდსმენის თანამდებობას. მე-10 მოწვევის პარლამენტის დეპუტატი.
- ბექა ლილუაშვილი - მაკროეკონომისტი. მე-10 მოწვევის პარლლამენტის პარლამენტის წევრი.
- რუსუდან თევზაძე - განათლების და კულტურის სფეროს სპეციალისტი.
- ალექსანდრე მოწერელია - ბიზნესმენი. მე-10 მოწვევის პარლამენტის წევრი.
- ბერდია სიჭინავა - იურისტი. იყო მთავრობის ადმინისტრაციის უფროსის მოადგილე.
- შალვა კერესელიძე - საჯარო მოხელე, მცხეთა-მთიანეთის ყოფილი გუბერნატორი. ასევე, მე-10 მოწვევის პარლამენტის დეპუტატი.
- კოტე ანანიაშვილი - აჭარის პოლიციის ყოფილი უფროსი. მთავრობის ადმინისტრაციის რეგიონული პოლიტიკისა და კოორდინაციის სამსახურის უფროსის თანამდებობას იკავებდა.
- გიგა ფარულავა - სამართალმცოდნე. იკავებდა ზუგდიდის მერის მოადგილის თანამდებობას.
- გიორგი გოგუაძე - საერთაშორისო ურთიერთობის სპეციალისტი.
რაც შეეხება პარტიის სხვა წევრებს, ესენი არიან: ლევან დოლიძე, გიორგი აბაშიშვილი [მარგველაშვილის ადმინისტრაციის უფროსი], ეკატერინე ვეფხვაძე, დავით ფარცვანია, ლაშა მარკოზაშვილი, ტატა ხვედელიანი, გიორგი კიკნაველიძე, საბა ჯიქიძე.
გახარიას პარტიის პრეზენტაცია ექსპოჯორჯიაში გაიმართა და მას 100-ზე მეტი დელეგატი ესწრებოდა.
ექსპრემიერმა გახარიამ თანამდებობა და ქართული ოცნება 2021 წლის 18 თებერვალს დატოვა - მან მიზეზად ნიკა მელიას დაკავების საკითხზე გუნდსა და მას შორის აზრთა სხვადასხვაობა დაასახელა.
გიორგი გახარიამ პრემიერმინისტრის პოსტის დატოვებიდან მალევე პოლიტიკაში დაბრუნება დააანონსა.
დახურვა